Алматы қаласында жалпы ауданы 23 205 ш. м. спорттық-сауықтыру кешені құрылатын болады. "Дельфин" спорттық-сауықтыру кешенін қайта құру аясында "Атакент"ҚІЫО АҚ аумағында жаңа кешеннің ашылуы жоспарлануда.

Кешеннің құрамында олимпиадалық көлемдегі екі бассейн, екі әмбебап зал, тренажер залы, гимнастика залы, жекпе-жек және күрес залдары, хореография, баскетбол және волейбол ойнауға арналған залдар болады. Сондай-ақ, тірек-қимыл аппараты бұзылған балаларға арналған дене шынықтыру-сауықтыру орталығын құру жоспарлануда.